ҚазАТУ-дың белсенді жастары мектеп түлектерімен кездесті

ҚазАТУ-дың белсенді жастары мектеп түлектерімен кездесті

2018 жылдың 1-13 мамыр аралығында С.Сейфуллин атындағы Қазақ агротехникалық университеті Тәрбие жұмысы жөніндегі департаментінің ұйымдастыруымен белсенді жас студенттерден құралған топ Республиканың 7 аймағына барып, 11-сынып оқушылармен кездесті. Атап айтсақ, Астана, Арқалық, Қараөткел, Көкшетау, Семей, Қарағанды, Петропавл қаласындағы мектептерде болып, мектеп түлектеріне мамандықтар жайлы ақпараттар берілді.

Бітіруші мектеп түлектеріне биыл техникалық мамандықтарға гранттар көп бөлінетіні, оқу орнының жетістіктері, әлеуметтік қолдаулары, арзан асханалар жүйесі және жатақханамен қамтылудың жоғары мүмкіндіктері жайлы жан-жақты айтылды. Талапкерлердің университетке деген қызығушылығы жоғары екені байқалды.

Қорытындылай келе, жалпы түлектер «Менеджмент», «Ветеринарлық санитария», «Биотехнология», «Сәулет өнері», «Радиотехника», «Кадастр», «Бағалау», «Азық-түлік өнімдерінің технологиясы», «Экология» сынды мамандықтарды көп таңдаған және С.Сейфуллин атындағы Қазақ агротехникалық университетіне оқуға түсіп, білім алуды жоспарлап отыр.