Ги Риба мырзаға табысты еңбек тілейміз!

Ги Риба мырзаға табысты еңбек тілейміз!

Қазақстанның 5 жетекші жоғары оқу орындары қатарындағы  С.Сейфуллин атындағы Қазақ агротехникалық университетіне  Қазақстан Республикасының Білім және Ғылым министрлігі шетелдік топ-менеджерлерді шақыру үшін қосымша бюджет қаражатын бөлінген.   Осыға орай, біздің қатарымызға аграрлық саладағы белгілі ғалым, доктор Ги Риба қосылды.  Ги Риба мырзаның  басшылық лауазымдарда мол тәжірибесі бар. Францияның Ұлттық ауылшаруашылық зерттеулер жүйесінің (INRA) ұйымдастырушылары мен жетекшілерінің бірі болды. Бір кездері ол Францияның аграрлық ғылымын реформалауда зор үлесін қосып, нәтижесінде әлемдегі танымал көшбасшылардың біріне айналды. Сонымен қатар Ги Риба Жапония, Канада, Чили, ОАР және Испания елдерінде  аграрлық ғылымды дамытудың стратегиялық бағдарламаларын реформалауға және жүзеге асыруға атсалысқан.            Доктор Ги Рибаның ҚазАТУ-дың ғалымдары тобына қосылуы оқу ордамыздың табысты даму жолындағы сәтті қадам болатынына сеніміміз мол. Әлемдік ғылыми қауымдастықта мойындалған, жоғары деңгейдегі ғалыммен бірлесіп жұмыс істеу біздің даму стратегиямыздың жүзеге асырылуына септігін тигізеді. Сондай ақ, заманауи ауылшаруашылық зерттеу университетіне айналуына және оқу орданың халықаралық байланыстарын нығайтуына жол ашады.             Ги Риба мырзаға табысты еңбек тілейміз!