Астанада алғаш рет С.Сейфуллин атындағы ҚазАТУ базасында «Ауыл шаруашылығын цифрландыру» тақырыбында герман-қазақ бірлескен ауыл шаруашылық форумы өтеді  

Астанада алғаш рет С.Сейфуллин атындағы ҚазАТУ базасында «Ауыл шаруашылығын цифрландыру» тақырыбында герман-қазақ бірлескен ауыл шаруашылық форумы өтеді   

2018 жылы 30 мамыр күндері С.Сейфуллин атындағы Қазақ агротехникалық университетінде Германияның азық-түлік және ауылшаруашылық министрлігінің, Қазақстан Республикасының Германиядағы елшілігінің, Қазақстан Республикасындағы Германия елшілігінің және «Германия-Қазақстан аграрлық-саяси диалогы» жобасының қолдауымен герман-қазақ бірлескен «Ауыл шаруашылығындағы цифрландыру» атты  ауыл шаруашылық форумы өтеді.

            Форумға, ҚР Премьер-министрінің орынбасары - Ауыл шаруашылығы министрі Ө.Е.Шөкеев, ҚР Парламенті Мәжілісі Төрағасының орынбасары В.К.Божко, С.Сейфуллин атындағы ҚазАТУ  ректоры А.Қ.Күрішбаев,  ADA жобасының жетекшісі Р.Дитхард, ҚР Парламенті Сенатының Аграрлық мәселелер, табиғатты пайдалану және ауылдық аумақтарды дамыту комитетінің төрағасы Ж.М.Нұрғалиев, Қазақстанның Германиядағы елшісі Б.Т.Нусупов, Германияның Қазақстандағы елшісінің  бірінші орынбасары Д.Вайнберг, сондай-ақ отандық және шетелдік ауыл шаруашылығы саласының ғалымдары мен мамандары қатыспақ.

                    Қазақстанда өзекті мәселе бойынша өткізілетін аталмыш  форум алғашқы рет ұйымдастырылуда. Оның жұмысына 100-ден астам салалық ғалымдар мен мамандар қатысады. Германия мен Қазақстанның 10 жетекші ғалымдары, фермерлері мен сарапшылары баяндама жасайды. Онда ауылшаруашылық саласын цифрландырудың, егіншілікке дәлме-дәл  технологияларды енгізудің практикалық тәжірибесімен, «ақылды ферма» (Smart Farming) мен жасанды интеллекті құру, ірі көлемдегі база деректерін жүйелеу әдістерімен ой бөлісетін болады.            Германия цифрландыру бойынша әлемдегі көшбасшы мемлекеттер қатарында саналады және онда жердің көп бөлігі цифрлы технологиялармен өңделеді.            Форумның мақсаты - екі елдің ғалымдары мен компанияларының арасындағы аталмыш мәселелер бойынша қарым қатынасты дамыту және осы бағыттағы соңғы жаңалықтар туралы бір бірін хабардар ету.