Қазақ агротехникалық университетінде Роде және Шварц күні өтті

Қазақ агротехникалық университетінде Роде және Шварц күні өтті

2018 жылдың 28 мамыр күні энергетикалық факультеттің «Радиотехника, электроника және телекоммуникация» кафедрасында Қазақ агротехникалық университетінде Роде және Шварц күні өтті. Rohde&Schwarz (Германия) компаниясының өлшеу жүйесі және тестілеу маманы, т.ғ.к. Рыбинский Сергей «Өлшеу құрылғыларының заманауи күйі» бағдарламасымен сөз сөйледі.

Rohde&Schwarz компанияcын Йене (Германия) физика-техникалық Университетінің ғалымдары Лотар Роде мен Герман Шварц 1993 жылы Мюнхенде құрды. Қазіргі таңда Rohde&Schwarz өлшеу құрылғылары және радиокоммуникация саласында халықаралық нарықта ғаламдық көшбасшылардың бірі болып табылады. Компания сымсыз байланысқа, теле- және радио таратуға, электронды өнеркәсіпке, радиомониторингке және радиолокацияға арналған бақылау-өлшеу құрылғыларын өндіреді және сатады.

Кездесу барысында қатысушыларға Rohde&Schwarz фирмасының өлшеу құрылғылары туралы мағлұмат ұсынылды. Дәлірек айтсақ, энергетикалық факультет студенттері, магистранттары, оқытушылары және өзге де ұйым өкілдері R&S®FSW спектр және сигнал анализаторы, R&S®SMBV100A сигналдардың векторлық генераторы және цифрлық стандарттардың имитациясы туралы, цифрлық стандарттарды оқу және зерттеу үшін FSW және SMBV бірге пайдалану, ZPH АФУ анализаторында мысалдар мен практикада қолдану, смартфондарға арналған тегін Rohde&Schwarz қосымшасы туралы қажетті ақпарат алды.