ҚазАТУ-ға Қытай делегациясы келді

ҚазАТУ-ға Қытай делегациясы келді

2018 жылы 29 мамыр күні  С.Сейфуллин атындағы Қазақ агротехникалық университетіне Қытай Халық Республикасы Бүкілқытайлық Халық Өкілдері Жиналысы Тұрақты Комитеті Төрағасының орынбасары Айлигенг Имингбахай бастаған делегация келді. Сондай-ақ, делегация құрамында Білім, ғылым, мәдениет және денсаулық комитетінің меңгерушісі Ли Сюйун, БХӨК Тұрақты комитетінің Бас хатшысының орынбасары Кэ Ляндун, БХӨК Бақылау және әділет комитетінің төраға орынбасары  Чжан Суцзюнь болды.            Шетелдік делегацияны университет ректоры профессор, А.Қ. Күрішбаев қарсы алып, 2010 жылы Қазақ-қытай білім және ғылым орталығының ашылғаны, бүгінгі таңдағы ынтымақтастық мәселелері туралы айтып өтті.            Кездесу барысында Айлигенг Имингбахай С.Сейфуллин атындағы ҚазАТУ-дың ғылыми және білім беру қызметімен танысты. Сондай-ақ қонағымызға Қытай ЖОО және ғылыми орталықтарымен бірлесіп ашылған Қазақ-Қытай орталықтары: Ауыл шаруашылығын механикаландыру орталығы, Агроөнеркәсіптік кешенді цифрландыру орталығы, Ветеринарлық зертхана, Жаңа сорттарды енгізуді зерттеу орталығы, Ботаникалық бақ таныстырылды.
            Кездесудің қорытындысы бойынша ауыл шаруашылық малдарының аса қауіпті ауруларын зерделеу бойынша заманауи ветеринариялық зертхананы ұйымдастыру және С.Сейфуллин атындағы ҚазАТУ негізінде органикалық ауыл шаруашылығы орталығын құру туралы ұсыныстар талқыланды.

Жаһандық жобалардың бірі Харбин ветеринарлық институтының демеушілігімен факультеттегі ветеринарлық клиника және биоқауіпсіздік ветеринариялық зертханасының құрылысы болып табылады.

Зертхананың құрылысы ҚазАТУ студенттерінің оқыту мен зерттеу үшін өте маңызды. Бұдан басқа, зертхана агроөнеркәсіптік кәсіпорындарға, әсіресе малдың жұқпалы ауруларын диагностикалауға көмектесетін болады. Қытай тарапы болашақта зертхананы 3 BCL-ке жабдықтау бойынша міндеттемелерді өз мойнына алды.