Халықаралық олимпиададағы жеңіс

Халықаралық олимпиададағы жеңіс

2018 жылы мамыр айының соңында Румынияның «Ал.И.КУЗА» университетінің «Петру Караман» Славистика кафедрасы орыс тілі мен орыс мәдениетін өзге мәдениет кеңістігінде танымал етуге арналған «Русское слово» атты V халықаралық олимпиадасын өткізді. Биылғы шара Еуропалық мәдени мұра жылына, Славян жазуы пайда болуының 1155 жылдығына, орыс жазушысы И. С. Тургеневтің туғанына 200 жыл толуына, Мемлекеттік Орыс музейінің 120 жылдығы сынды айтылу мерейтойларға арналған еді.

С. Сейфуллин атындағы Қазақ агротехникалық университеті биыл олимпиадаға алғаш рет қатысып, жоғары нәтижегеқ ол жеткізді. Жерге орналастыру факультетінің бірінші курс студенті Асығат Гүлмира байқауда эссе жазудан жүлделі орынға  ие  болып, бірінші дәрежелі дипломды жеңіп алды. Оның ғылыми жетекшісі, оқытушы-тәлімгері қазақ және орыс  тілдері кафедрасының доценті Әлібекова Әсия Шәкенқызы екенін айтқан жөн.

Олимпиадаға сырттай қатысушылар «Менің сүйікті ресейлік/советтік фильмім», «Орыс әдебиетіндегі менің сүйікті кітабым», «Менің сүйікті орыс/ресейлік суретшім» және бірнеше тақырыптардың біріне эссе жазу, «Ресей өзгенің көзімен» атты талдамалы мақала жазу, «Ресейге саяхат» фотоэссесін түсіру тапсырмаларын орындады.