«Ең белсенді топ» сайысы мәресіне жетті

«Ең белсенді топ» сайысы мәресіне жетті

2018 жылдың 21-28 мамыры күндері  Тәрбие жұмысы жөніндегі департамент және «Самғау» студенттік кәсіподағы ұйымдастыруымен университет деңгейінде  «Ең белсенді топ» сайысы өтті.

Сайыста барысында оқу жылы бойындағы топтың бірлігі, ұйымшылдығы, академиялық талаптарды орындауы, студенттердің азаматтық және шығармашылық белсенділігі бағаланды. Сайыстың шарты бойынша академиялық топтар топ кураторымен бірлесе ашық кураторлық сағаттар, мерекелік іс-шаралар,  қайырымдылық акцияларды ұйымдастырып, мәдени-бұқаралық іс-шараларға қатысуы бағаланды. Байқауға 28 топ қатысты.

Қорытындысында,  «ЕҢ БЕЛСЕНДІ ТОП» номинациясы  және «Самғау» студенттік кәсіподағынан  қаржылай  сыйақымен Энергетикалық факультетінің  «РЭТ» мамандығының 16-21 тобы (топ басшысы - Руди Кристина), Агрономиялық факультетінің «Агрономия» мамандығының 15-01 тобы  (топ басшысы -  Ғабдола Әдемі), Экономикалық факультетінің «Есеп және аудит» мамандығының 14-06 тобы  (топ басшысы - Тлектесов Алихан), ВжМШТ факультетінің «Аңшылықтану және аң шаруашылығы» мамандығының 17-17 тобы   (топ басшысы - Қайыпов Ғасыржан), Техникалық факультетінің «Азық-түлік өнімдерінің технологиясы» мамандығының 17-24 тобы  (топ басшысы - Зұлбықар Бибол), КЖжКББ факультетінің «Кәсіптік оқыту» мамандығының 16-02 тобы (топ басшысы - Ахметова Жұлдызай) марапатталды.

Жеңімпаздарға алғыс хаттар мен кәсіподық атынан қаржылай сыйақы табысталды.