«АНТИSTRESS» клубының  арнайы курсы аяқталды

«АНТИSTRESS» клубының  арнайы курсы аяқталды

Университет педагог – психологтары М.Г. Букеева мен К.К. Кантарбаеваның жетекшілігімен «АНТИSTRESS» психологиялық клубы құрылған болатын. Осы сәттен бастап қатысушы студенттерге 42 сағаттық «Практикалық психологияны жаңадан бастаушыларға» арналған дәрістер курсы жүргізілді.
Курс мақсатының өзектілігі білім алушылардың деңгей дағдыларын психологиялық талдау, коммуникативтік қабілеттерін және әлеуметтік-психологиялық құзыреттіліктерін қалыптастыру, өз іс – әрекеттерін және өзге адамдардың іс – әрекеттерін оқу барысында бағалауға үйретіп, теориялық және практикалық материалдарын оң ойлау негізінде қалыптастыру болып табылады.
Курс барысында дәрістер, тренингтер, практикалық жаттығулар, психолог маманымен кездесу ұйымдастырылды. Заңгер, нарколог-дәрігермен семинар-тренингтер өткізілді. Белсенді қатысушылар сертификаттармен марапатталды.
2018 жылы 31 мамыр күні «Практикалық психологияны жаңадан бастаушыларға» арналған курс қатысушылары емтиханды сәтті аяқтады. Теориялық және практикалық білімдері дәлелденіп, расталды.
Студенттермен атқарған жұмыстарының нәтижесі де байқалды, студенттер тарапынан көптеген жылы лебіздер, пікірлер айтылды және алған тәжірибелерін алдағы уақытта қолданады деген үміттеміз.