Солтүстік-Батыс  ауыл және орман шаруашылық университеті ғалымдарының ҚазАТУ-ға сапары

Солтүстік-Батыс  ауыл және орман шаруашылық университеті ғалымдарының ҚазАТУ-ға сапары

2018 жылы 4 маусым күні ҚХР-ның Солтүстік-Батыс ауыл және орман шаруашылығы университетінің ғалымдарынан құралған делегация С.Сейфуллин атындағы Қазақ агротехникалық университетіне іс-сапармен келді. Делегация құрамында  халықаралық ынтымақтастық және ақпарат алмасу Бюросының директоры Ю. Джин  мырза және аталмыш оқу орнының профессоры Шан Вейксин мырза болды.

         Кездесуге ХЫ және КОДО директоры С.А.Мейрамова, агрономия факультетінің деканы Г.Ж.Стыбаев, ғалымдар: В.К.Швидченко, С.А.Джатаев, В.Т.Хасанов, кадастр және бағалау кафедрасының меңгерушісі Г.К.Құрманова және де аталмыш кафедраның аға оқытушылары М.Х.Жанбусинова мен С.К.Макенова қатысты.

         Кездесудің мақсаты – ынтымақтастықты нығайту және өсімдік шаруашылығы, мал шаруашылығы, биотехнология, молекулярлық биология және т. б. салалар бойынша ПОҚ және білім алушылардың академиялық ұтқырлық шеңберінде және кәсіби тағылымдамадан өтулерін қамтамасыз ету сұрақтарын талқылау.

         Кездесу барысында Тараптар 1 жылға дейін серіктес оқу орнына білімін шыңдау мақсатында тәжірибе, білім және ЖОО-да оқыту тәжірибиесімен  алмасуға жіберілетін ПОҚ және білім алушыларға қойылатын талаптар мен шарттар егжей-тегжейлі талқыланды. Сонымен қатар делегация өкілдері Солтүстік-Батыс ауыл және орман шаруашылығы университетінің ректоры ҚазАТУ-ға 2018 жылдың қыркүйек айында іс-сапар жоспарлап отырғанын хабарлады.

         Делегация «Өсімдік биотехнологиясы ғылыми-зерттеу орталығын» және ҚазАТУ ғылыми-эксперименталды кампусын аралады.

        Кездесу соңында тараптар естелік сыйлықтарымен алмасып, бұл кездесу  жаңа ұзақ мерзімді және өзара тиімді ынтымақтастыққа ұласуына сенімдерін білдірді.