АӨК цифрландыру саласында бірегей жоба іске қосылды

АӨК цифрландыру саласында бірегей жоба іске қосылды

Агроөнеркәсіптік кешендегі заманауи үрдістердің бірі - ауыл шаруашылығын  цифрландыру. С.Сейфуллин атындағы Қазақ агротехникалық университеті мен «Атамекен ҰКП» Біліктілік  орталығының 5 айлық бірлескен жұмысының нәтижесі алғашқы  жемісін берді!

            2018 жылы 13 маусымда С.Сейфуллин атындағы ҚазАТУ  мен «Атамекен ҰКП» Біліктілік  орталығы өкілдерінің кездесуінде ресми түрде АӨК цифрландыру саласындағы білімді кеңейту барысында бірегей Extension жобаның іске қосылғандығы ресми түрде жариялады!

         «Атамекен ҰКП» Біліктілік  орталығы мен С.Сейфуллин атындағы ҚазАТУ сарапшылары арасында аталмыш жобаны іске асыру үшін келісім-шарт жасалды.

            Бұл жобаның негізгі мақсаты Ақмола, Қарағанды, Қостанай және Солтүстік Қазақстан облыстарындағы 9 пилоттық шаруашылықтың базасында цифрлық технологиялардың жекелеген элементтерін енгізу, сондай-ақ аграрлық бизнестің 270 субъектісін оқытуға арналған кемінде 18 практикалық семинар өткізу арқылы енгізілген технологияларды көрсету болып табылады.            Осы аптада алғашқы бірлескен сапарлар күтілуде. 9 пилоттық шаруашылыққа әртүрлі профильді мамандар, атап айтқанда, ГАЖ технологиясы саласындағы мамандар, жерді қашықтықтан зондтау, жерге орналастыру, топырақтану, өсімдіктерді қорғау, агрономия, аграрлық технологиялар, мал шаруашылығы, экономика, радиотехника, электроника және телекоммуникациялар және ІТ мамандары барады.            Алдағы күндері Қарағанды ​​облысына жолға шығамыз. Алдымызда 20 мыңнан астам шақырым күтіп тұр...            Барлық әріптестеріме сәттілік және жоғары табыстар тілейміз!