Университетінің экономикалық факультеті түлектеріне салтанатты түрде диплом табыс етілді

Университетінің экономикалық факультеті түлектеріне салтанатты түрде диплом табыс етілді

22 және 28 маусым 2018 жылы С.Сейфуллин атындағы Қазақ Агротехникалық университетінің экономикалық факультетінде Экономика, менеджмент, есеп және аудит, қаржы және маркетинг мамандықтарының түлектеріне және магистранттарына дипломдарды табыстау салтанатты кеші болды.  Бакалавр дипломын 235 түлек және 105 магистратура түлектері  алды.

Мамандықтар бойынша бакалавр және магистр академиялық дәрежесін беру туралы ректор бұйрығын  экономикалық факультет деканы экономика ғылымдарының кандидаты, доцент Исмаилова Алия Сабыржанқызы таныстырды. Дипломдарды С.Сейфуллин атындағы Қазақ агротехникалық университетінің  ректоры  Күрішбаев Ақылбек Қажығұлұлы  табыстады.

Салтанатты іс-шараның қонақтары  жұмыс беруші кәсіпорын басшылары: «Плюсмикро НС» ЖШС директоры - Прибытков  Валерий Михайлович,  BI групп Холдингінің қаржылық талдау және жоспарлау бөлімінің бастығы  Сагнаев Галым Булатович және менеджер Тулемисова Айжан Танаткановна болды.

Профессор-оқытушылар құрамына, ректорға және факультет деканына алғыс сөздерімен түлектер, магистрлар және ата-аналар жылы лебіздерін білдіріп, сөз сөйледі.