Францияның AIRBUS компаниясы өкілінің ҚазАТУ-ға сапары

Францияның AIRBUS компаниясы өкілінің ҚазАТУ-ға сапары

         2018 жылдың 24 шілдесінде AIRBUS компаниясының агроинженері, кешендік шешімдер сатылымының эксперті Мари Кристин Делюк ханым С.Сейфуллин атындағы Қазақ агротехникалық университетіне қызметтік  сапармен келді.     Кездесу ҚазАТУ Басқарма төрағасы А.Қ.Күрішбаев мырза басшылығымен, Қазақстан мен Орталық Азия сатылып менеджері Олжас Қойлымбаев, Басқарма Төрағасының стратегиялық жоспарлау, ғылым және халықаралық байланыстар жөніндегі орынбасары Сергей Могильный,  проректор - ғылыми және инновациялық қызмет орталығының жетекшісі И.Т.Тоқбергенов,  ХЫжКОДО бөлімінің директоры С.А.Мейрамованың және ГАЖ технологиялар орталығының меңгерушісі Фараби Ермековтың қатысуымен өтті.

         Ақылбек Қажығұлұлы өзінің кіріспе сөзінде білім ордамыздың халықаралық қызметімен таныстырып, ауыл шаруашылығын цифрландыру аясында университеттің қызметін баяндай келе, Қазақстандағы АӨК цифрландыру білімдерін енгізу және тарату аясында ұйымдастырылып жатқан іс-шаралардың бағытын хабарлап өтті.

         Өз кезегінде Мари Кристин Делюк AIRBUS компаниясы (Франция) ғылым және білім беру мақсатында Spot 6/7 өлшеуімен 1,5 м пиксельдік космостық түсірілімдерге қол жетімділік беретіндігін; дәлме-дәл егіншілік элементтерін  енгізуде ауылшаруашылық өсімдіктерін  («fcover» и «LAI») биофизикалық параметрлер тұрғысынан космостық зерттеу элементтерін 9 пилоттық шаруашылықтар негізінде енгізуге септігін тигізетінін хабарлады. Сонымен қатар, Қазақстанның солтүстік және орталық өңірлерінде жерді пайдалануды мониторингтеу үшін космостық түсірілімдермен қамтамасыз ететіндігін атап өтті.

         2018 жылдың 25 шілдесінде С.Сейфуллин атындағы Қазақ агротехникалық университетінде Ауылшаруашылық министрлігінің Мемлекеттік қызметті және АӨК цифрландыру департаментінің директоры Бауыржан Айымбетовпен, ҚазАТУ Басқарма төрағасы А.Қ.Күрішбаев және AIRBUS компаниясының агроинженері, кешендік шешімдер сатылымының эксперті Мари Кристин Делюк қатысуымен кездесу ұйымдастырылды.

         Кездесу барысында Мари Кристин Делюк AIRBUS компаниясы құралдарының АӨК цифрландыру аясында және автоматтандыру процесстерінде пайдалану мүмкіндіктерін көресетті. Өз кезегінде ҚазАТУ АӨК аясында қойылған мақсаттарға қол жеткізуде AIRBUS компаниясының трансферттік технологиясына қызығушылық танытты. AIRBUS компаниясы қолданысындағы  технологиялардың ауылшаруашылығын цифрландыруда трансферттік және бейімділік мәселелері талқыланды.