Хейлунцзян жер мелиорациялау ғылымдары академиясының өкілдері ҚазАТУ-ға келді

Хейлунцзян жер мелиорациялау ғылымдары академиясының өкілдері ҚазАТУ-ға келді

         2018 жылдың 31 шілдесінде Хейлунцзян жер мелиорациялау ғылымдары академиясы делегаттары С.Сейфуллин атындағы Қазақ агротехникалық университетіне қызметтік  сапармен келді. Аталмыш білім ордасының жетекші зерттеушісі Song Xiaohui ханым бастаған делегация құрамында Хейлунцзян жер мелиорациялау ғылымдары академиясының жетекші зерттеушісі Qian Haifeng және бас инженері Wang Jingxue  болды.      

         Кездесу ҚазАТУ Басқарма төрағасы А.Қ.Күрішбаев мырза басшылығымен, Басқарма төрағасының стратегиялық жоспарлау, ғылым және халықаралық байланыстар жөніндегі орынбасары С.В.Могильный  және ҚазАТУ ПОҚ қатысуымен өтті.

         Ақылбек Қажығұлұлы өзінің кіріспе сөзінде әріптестеріміздің біздің университетімізге деген қызығушылықтары үшін алғысын білдіре отырып, оқу ордамыздың халықаралық қызметімен егжей-тегжейлі таныстырып, бүгінгі таңда Қазақстан мен ҚХР арасындағы ынтымақтастық атап айтсақ,  өнеркәсіп, ауыл және орман шаруашылығы білім және ғылымы аясындағы әріптестік қарқынды дамып келе жатқанын атап өтті. Бүгінгі таңда ҚазАТУ ҚХР-ның беделді жоғарғы оқу орындарымен, дәлірек айтсақ, Қытай ғылым академиясының Синьцзянь экология және география институты, Солтүстік – Батыс ауыл және орман шаруашылығы университеті, және Харбин ветеринарлық ғылыми-зерттеу институты сынды және т.б. ғылыми орналықтармен бірлесе ауылшаруашылығын дамыту жобаларын іске асыру аясында тығыз қарым-қатынас жасап жатқандығын жеткізді.

Өз кезегінде Song Xiaohui Хейлунцзян Жер мелиорациялау ғылымдары академиясының ғылыми қызметтерімен егжей-тегжейлі таныстырды.

Кездесу барысында Тараптар сояны егу және жаңа сорттарын өсіру жөнінде сұрақтарды талқылады.

Кездесу соңында Хейлунцзян жер мелиорациялау ғылымдары академиясы ҚазАТУ-ға сояның жаңа сорттарын жеткізіп беру жөнінде келісімге келді.

         Делегациямен кездесу Қазақстан ұлттық музейі және ҚазАТУ ауылшаруашылық дәндері эксперименталды кампусын аралаумен жалғасты.