«С.Сейфуллин атындағы ҚазАТУ-дың Құрметті түлегі» атағы Қостанай облысы әкімінің Бірінші орынбасарына берілді

«С.Сейфуллин атындағы ҚазАТУ-дың Құрметті түлегі» атағы Қостанай облысы әкімінің Бірінші орынбасарына берілді

"С.Сейфуллин атындағы Қазақ агротехникалық университетінің Құрметті  түлегі" атағын агрономия факультетінің 1992 жылғы түлегі, Қостанай облысы әкімінің Бірінші орынбасары Нұрмұхамбетов Ғауез Торсанұлы алды. Марапаттау рәсіміне Басқарма Төрағасының стратегиялық жоспарлау, ғылым және халықаралық байланыстар жөніндегі орынбасары С.В.Могильный, «ҚазАТУ түлектер» клубының төрағасы Ж.Е.Нұркенов, клуб мүшесі А.В.Майер, Академиялық мәселелер жөніндегі департамент директоры Н.А.Серікпаев  және оқу ордамыздың оқытушылары қатысты.            

«Құрметті түлек» атағы қоғамдық көзқараста университеттің оң имиджін қалыптастырып, көптеген мәселелерді шешуге ат салысқан, сондай-ақ кәсіби және ғылыми тұрғыдан жоғары нәтиже көрсете алған лайықты түлектерге беріледі.           

Шара барысында Ғ.Т.Нұрмұхамбетовке  С.В.Могильный мен Н.А.Серікпаев  «ҚазАТУ-ға  60 жыл» медалін табыстады. Өз кезегінде, Ғауез Торсанұлы университет басшылығына құрметі мен бірлескен жобалардағы кеңестері үшін алғысын білдірді.

Университет ұжымы Ғауез Торсанұлы 50 жылдық мерейтойымен құттықтап, зорденсаулық, отбасына ынтымақ пен бірлік, әр ісіне сәттілік тілейді!