Цзянсу ауылшаруашылық ғылымдары Академиясы делегациясының ҚазАТУ-ға сапары

Цзянсу ауылшаруашылық ғылымдары Академиясы делегациясының ҚазАТУ-ға сапары

2018 жылғы 6 тамызда Цзянсу ауылшаруашылық академиясының президенті И Жонги бастаған Цзянсу Ауылшаруашылық ғылымдары академиясының делегациясы С.Сейфуллин атындағы Қазақ агротехникалық университетіне іс-сапармен келді.

Сапардың мақсаты - ынтымақтастық орнату, ҚазАТУ ғылыми-эксперименттік кампусында бұршақты дақылдар, соя және жүгеріні өсірумен танысу.

Кездесуге ҚазАТУ Басқарма төрағасы А.Қ.Күрішбаев, проректор-ғылыми және инновациялық қызмет орталығының жетекшісі И.Т. Тоқбергенов, ХЫжКОДО директоры С.А.Мейрамова, Агрономия, Ветеринария және мал шаруашылығы технологиясы факультеттерінің декандары мен профессорлары қатысты.

И.Т.Тоқбергенов университеттің қызметі туралы қысқаша ақпарат беріп, ынтымақтастықтың болашақ бағыттарын анықтады.

Өз кезегінде И Жонги мырза аграрлық ғылымдар академиясын таныстырып, дәнді дақылдар саласында білім алатын докторанттарды 1 жылдық ұзақ мерзімді ғылыми-зерттеу тағылымдамасынан өтуге шақыруға ниет білдірді.

Келіссөздер барысында тараптар өзара тиімді ынтымақтастықты дамыту туралы шешім қабылдады. Салтанатты жағдайда екі білім беру ұйымының президенттері жаңа сорттарды шығару және профессорлар және студенттермен алмасу саласында екіжақты келісім бойынша ынтымақтастық туралы келісімге қол қойды.