Германияның азық-түлік және ауылшаруашылық министрлігінің (BMEL) және «GFA Group GmbH» компаниясының ҚазАТУ-ға сапары

Германияның азық-түлік және ауылшаруашылық министрлігінің (BMEL) және «GFA Group GmbH» компаниясының ҚазАТУ-ға сапары

2018 жылдың 7 тамызында №625 «Шығыс Еуропа, Орталық және Шығыс Еуропа» бөлімінің жетекшісі Юдит Конс ханым бастаған Германияның азық-түлік және ауылшаруашылық министрлігінің (BMEL) және «GFA Group GmbH» компаниясының делегациясы С.Сейфуллин атындағы Қазақ агротехникалық университетіне іс-сапарымен келді. Делегация құрамында №625 «Шығыс Еуропа, Орталық және Шығыс Еуропа» бөлімінің жетекшісі Юдит Конс, Фрэнк Риттнер – «Халықаралық жобалар және серіктестік» №624 бөілімінің эксперті, BMEL, Дитхард Рудерт –АПД жобасының жетекшісі, Андреас Грамцов және өзге де меймандар болды.

Сапардың мақсаты Қазақстан мен Германия, соның ішінде ҚазАТУ арасындағы ынтымақтастықты кеңейту мүмкіндіктерін талқылау, Қазақстандағы АПД жобасының негізгі серіктестерімен кездесулерді өткізу.

Кездесу ҚазАТУ Басқарма Төрағасы А.Қ.Күрішбаевтың басшылығымен өтті.  ҚазАТУ тарапынан кездесуге ҚазАТУ Басқарама төрағасының стратегиялық жоспарлау, ғылым, және халықаралық байланыстар жөніндегі орынбасары С.В. Могильный, ХЫжКОДО директора С.А.Мейрамова, агрономия факультетінің деканы Г.Ж.Стыбаев қатысты.

Өзінің алғы сөзінде, Басқарма төрағасы А.Қ.Күрішбаев университетке қызығушылық танытқаны үшін Юдит Конс ханымға алғысын білдіре отырып, қонақтарға университеттің қызметі жайлы және серіктес АПД-мен жүргізілген жұмыстармен таныстырды. Сонымен қатар мамыр айындағы ҚазАТУ-да өткен Германияның азық-түлік және ауылшаруашылық министрлігінің, Қазақстан Республикасының Германиядағы елшілігінің, Қазақстан Республикасындағы Германия елшілігінің және «Германия-Қазақстан аграрлық-саяси диалогы» жобасының қолдауымен «Ауыл шаруашылығын цифрландыру» атты Бірінші Герман-Қазақстан аграрлық  форумы жайлы сөз қозғады.

Өз кезегінде Юдин Конс ханым осы кездесуді қолдау көрсетіп, ұйымдастырғаны үшін алғысын білдірді. Сондай-ақ 2019 жылдың қаңтарында жыл сайынғы «Жасыл аптаның» аясында сенімді серіктестеріне ұйымдастырылатын 11–ші халықаралық форум туралы хабардар етті.

Сондай-ақ Дитхард Рудерт мырза қатысушыларды АПД жобасының жаңа жетекшісі Йорг Динкелакер мырзамен таныстырды. Оның тағайындалуы Германияның Азық-түлік және ауылшаруашылық министрлігі бекітілген.

Делегациямен кездесу ҚазАТУ ғылыми орталықтарын, атап айтқанда, «Ауылшаруашылық биотехнология ғылыми алаңы» ғылыми-зерттеу институтына, Металл өңдеу және дәнекерлеу цехына, Қазақстан-Герман топырақтану орталығы, Ет және сүт өнімдеріне арналған тәжірибелік-өндірістік цехы аралаумен жалғасын тапты.

Кездесу соңында Тараптар өзара тиімді ынтымақтастықты одан әрі кеңейту туралы келісімге қол жеткізді.