«Қазақстанның солтүстігінде ара шаруашылығын дамыту»атты семинар өтті

«Қазақстанның солтүстігінде ара шаруашылығын дамыту»атты семинар өтті

 С. Сейфуллин атындағы қазақ агротехникалық университеті 2018 жылдың 23 тамызында «Бал Ара» ара шаруашылығының Ұлттық одағымен бірлесіп «Қазақстанның солтүстік аймақтарында ара шаруашылығын дамыту» тақырыбында семинар өткізді.

         Қазақстан Республикасы ара шаруашылығын дамыту үшін ең қолайлы жағдайлары бар 5 елдің қатарына кіреді. Қазақстанның ара шаруашылығының Ұлттық одағының мәліметі бойынша, 2050 жылға қарай ара шаруашылығын қарқынды дамыту арқылы Қазақстан Республикасы жыл сайын 1 млн. тонна бал өндіріп, ел экономикасына 10 млрд. АҚШ долларына дейін тарта алады, сондай-ақ ара шаруашылығында және тиісті салаларда 200 мыңнан астам жаңа жұмыс орындарын құруға мүмкіндік болатындығы сөз болды.

         Семинарда, Ресей Федерациясының ара шаруашылығы Ғылыми-зерттеу институтының ФГБНУ ауылшаруашылық дақылдарының және бал базасы кафедрасының меңгерушісі, Ауыл шаруашылық ғылымдарының докторы, Савин Анатолий Павлович, «Жасанды жасыл конвейерді ұйымдастыру және құрылысы және ауылшаруашылық дақылдарының өнімділігін арттырудағы тозаңданудың рөлі» тақырыбында сөз сөйледі.

         Сондай-ақ, шараға Қазақстан Республикасы Ауыл шаруашылығы министрлігінің Егіншілік шаруашылығы департаментінің өкілдері, А.А.Бараев атындағы ғылыми-өндірістік орталығының басшылығы, аграрлық сектордың өкілдері, С.Сейфуллин атындағы Қазақ агротехникалық университетінің ғалымдары қатысты.