ҚазАТУ өз ұжым мүшелерін картоппен қамтамасыз етуде

ҚазАТУ өз ұжым мүшелерін картоппен қамтамасыз етуде

Астанадағы С.Сейфуллин атындағы Қазақ агротехникалық университеті өз ұжым мүшелерін картоппен қамтамасыз етуде. Университет ғалымдары бірнеше жылдан бері баптап тәжірибелік жағдайда өсіріп келген картоптың жаңа сұрпы биылғы жылы ерекше мол өнім беріп отыр. Осыдан 3 жыл бұрын Астана қаласының іргесінен 1150 гектар жер телімін алып, оқу-тәжірибелік кампус ұйымдастырдық. Бүгінде дәнді-дақылдардың жаңа сұрыптарды және техника мен технологияларды сынақтан өткізудеміз. Дейді университет ректоры А.Күрішбаев. Білім ордасы ғалымдары өсірген мол өнімді жаңа сұрып, университеттің барлық оқытушылары мен ұжым қызметкерлеріне ең төменгі бағамен сатыла бастады. Бір келісін не бары 35 теңгеден сатылып жатқан КазАТУ картобы жағдайы төмен отбасылардан шыққан студенттерге тегін үлестіріледі. Түсім мол болсын!