Тәжірибе нәтижелері бойынша конференция өтті

Тәжірибе нәтижелері бойынша конференция өтті

2018 жылы 7 қыркүйек күні өндірістік тәжірибе қорытындысы бойынша экономикалық факультеті «Есеп және аудит» мамандығының 4-курс студенттері арасында конференция ұйымдастырылды.

Нақты кәсіпорындар базасында тәжірибеден өту және оның нәтижесі бойынша конференцияға қатысу теориялық білімін нығайтуға, тәжірибелі кәсіби тәлімгермен өзара әрекеттесу тәжірибесін алуға, алғашқы табыстарға қол жеткізуге және болашақ жұмыс берушіге дейін таңдаған мамандығы бойынша шеберліктерін шыңдауға көмектеседі.

Конференция барысында студенттер өндірістік тәжірибе өту барысындағы жинақтаған жаңа білімдері, тәлімгермен атқарылған жұмыстары туралы ой бөлісті. Сондай-ақ тәжірибе барысында туындаған мәселелер бойынша ұсыныс жасады. Студенттер оқытушылар  мен тәлімгерлеріне өз алғыстарын білдірді.

Өндірістік тәжірибе қорытындысы бойынша «Эрнст Янг» аудиторлық компаниясы тәжірибеден өткен студенттерді жұмыс орнында тағылымдамадан өту және біліктілік көтеру туралы ұсыныс білдірді. «Нұр-Ай» оңалту орталығы студенттерге бухгалтерлік есепті қалпына келтіруге көмек көрсеткендері үшін алғысын білдіріп, оларды тәжірибеден өтуге шақырды.

Осылайша, өндірістік тәжірибе барысындағы студенттер мен жұмыс берушілердің арасындағы байланыс бір-бірімен танысуға және кәсіби әрекеттесуді бастауға көмектеседі.