«Алтын белгі» ассоциациясы сабақ үлгерімін көтеруге арналған факультатив өткізді

«Алтын белгі» ассоциациясы сабақ үлгерімін көтеруге арналған факультатив өткізді

2018 жылдың 5 қарашасы күні Қазақ агротехникалық университетінде «Алтын белгі» ассоциациясының мүшелері факультетаралық сабақ үлгерімін көтеруге арналған «Жоғары математика» пәнінен факультатив өткізді. Факультеттерден 20-дан астам студенттер келіп қатысты. Ең қызығы факультатив жөнінде Еуразия Ұлттық Университетінің экономикалық факультетінде оқитын студенті естіп келіпті.
Студенттердің «Жоғары математика» пәнін түсінбей жүрген тақырыптары кеңінен талқыланып, түсіндіру жұмысы жүргізілді. Анықтауыштар, матрица, шек, функция сияқты тақырыптар қамтылды. Студенттер сұрақтар қойып, жауап ала алды.
Факультативтің соңында алған білімдерін шыңдау үшін оларға әртүрлі нұсқада есептер берілді. Қатысушылар «Алтын белгі» ассоциациясының мүшелеріне алғыстарын айтты.