Баспасөз орталығы

Құрметті журналистер!
Сәкен Сейфуллин атындағы Қазақ агротехникалық университетінің Баспасөз орталығы университетте ұйымдастырылатын сан алуан шараларды насихаттап, мерзімді және электронды баспасөзде жариялануын қамтамассыз етеді, профессорлық-оқытушылық құрамының және студенттердің республикалық БАҚ беттерінде жариялануына ұйытқы болады.
Сонымен қатар, университеттің wkazatu.kz веб-сайтын жүргізеді.
Баспасөз орталығының ұйымдастыруымен С.Сейфуллин атындағы Жастар студент жастарының «Менің университетім» газеті басылып шығады. Басылым бетінде жастардың ғылым және білім, өнер, спорт саласындағы жетістіктеріне көп орын беріледі. Жалпы «Менің университетім» газетін университет айнасы деуге де болады. Білім ордасында өткен барлық шаралар туралы оқырмандар газет бетінен оқып, таныса алады.
Сонымен қатар, «Студенттер телестудиясы» Баспасөз орталығы жанынан құрылып, университеттің желісінде және әлеуметтік желілерде университет туралы апта сайын жаңалықтар бағдарламалары жарық көруде. Студенттердің қатысуымен авторлық-сараптамалық шоу-бағдарламалар жасалуда. Бүгінгі таңда өзіндік көрермендер аудиторясы қалыптасқан Студенттер телестудиясына талантты жастарды бірлесе жұмыс істеуге шақырамыз.
Сіздерді сайт беттеріндегі ақпаратты жаңалауға, толықтыруға, телестудия арқылы университет өмірінен сыр шертуге және «Менің университетім» газетіне бірлесе жұмыс істеуге келіңіздер.
Тың идеяларыңыз бен ұсыныстарыңызды, материалдарыңызды baur.iman@mail.ru электронды поштасына жіберулеріңізді сұраймыз.
Сауалдарыңыз болса әрқашан жауап беруге әзірміз!
Тел.: 8 (7172) 39-57-07, 49-78-31
Астана қаласы, Жеңіс даңғылы 62

Баспасөз орталығы қызметкерлерінің құрамы