Шетел ғалымдарын шақыру

Зерттеу университетіне көшу барысында ҚАТУ әлемдік білім беру және ғылыми кеңістікке белсенді енуді көздеп отыр, сонымен қатар халықаралық ынтымақтастық пен интернационалдандыруды дамудың маңызды бағыттарының бірі деп қарастырады.

ҚАТУ-ң халықаралық ғылыми-білім беру байланыстарын кеңейтудің маңызды сипаттамасы шетелдік оқытушыларды және ғалымдарды шақыру географиясы мен академиялық ұтқырлық болып табылады.

Шетелдік ғалымдарды ҚАТУ-ға шақыру бағдарламасының негізгі мақсаты - оның бәсекеге қабілеттілігін арттыруға жағдай жасайтын әлемдегі жетекші ғылыми-білім беру орталықтарымен және ұйымдарымен ынтымақтастықты нығайту, ҚАТУ-ды әлемдік ғылыми-білім беру кеңістігінде өрлету және халықаралық білім беру кеңістігіне интеграциялау.

2012 жылдан бастап Шетелдік ғалымдарды ҚР жоғары оқу орындарына шақыру бағдарламасы шеңберінде әлемнің 21 мемлекетінің жетекші университеттерінен 105 шетелдік ғалым дәріс оқу мен практикалық сабақтарды жүргізу мақсатында ҚАТУ-ға келді.

Мемлекеттер бойынша шетелдік ғалымдардың саны

2016-2017 оқу жылында 4 шетелдік ғалым АҚШ-тың Фулбрайт бағдарламасы шеңберінде, ЕО Эрасмус+ бағдарламасы бойынша ақысыз түрде студенттерге дәріс оқыды.

Вирджиния штаты политехникалық институтының (АҚШ) профессоры Асым Есен

Атап айтқанда, Вирджиния штаты политехникалық институтының (АҚШ) профессоры Асым Есен (№2 сурет) бір академиялық жыл бойы Фулбрайт бағдарламасының шеңберінде агрономия және ВжМШТ факультеттерінің студенттері үшін дәрістер оқыды; Краков аграрлық университетінің (Польша) ауыл шаруашылығы ғылымдарының докторы Мария Побожняк ЕЩ Эразмус+ бағдарламасының шеңберінде агрономия факультетінің студенттеріне дәріс оқыды; Ю.Либих атындағы Гиссен университетінің ветеринарлық медицина докторы Кристиан Бауэр және Корей институтының (Сеул қ., Корея) профессоры Сонг Су Лим бір ай бойы экономика факультетінде дәрістер оқып, практикалық сабақтар өткізді.

ҚАТУ-ды реформалау процесінде қолдау көрсететін стратегиялық серіктес университет Девистегі Калифорния университеті болып табылады, яғни ауыл шаруашылығы саласында әлемдегі №1 зерттеу университеті. Жетекші профессорлар Қазақстанда қызмет етіп, ҚАТУ-ға басқару жүйесін, білім беру және ғылыми-зерттеу қызметін реформалау бағытында қолдау көрсетеді.  Дэвис профессорларының қатысумен МИИДБ шеңберінде кадрларды даярлау мақсатында азық-түлік өндірісі және ауылшаруашылық машина жасау саласында Магистратураның жаңа екі оқу бағдарламасы әзірленді.

Шетел ғалымдарын ҚАТУ-ға тартудың нәтижелілігі

ҚАТУ-ға 2015-2016 оқу жылында 4 сарапшы және 2016-2017 оқу жылында 6 сарапшы Дэвистегі Калифорния университетінен және Арканзас Университетінен (АҚШ) МИИДБ шеңберінде 6 магистрлік бағдарламаны бірлесіп әзірлеу үшін келді.

2016 жылғы 15-24 қазан аралығында Дэвистегі Калифорния университетінің құрметті профессоры Пол Сингх ҚАТУ-ның оқытушылары, мамандары мен студенттері үшін МИИДБ шеңберінде семинарлар мен мастер-класстар өткізуге сапармен келді.

Дэвистегі Калифорния университетінің құрметті профессоры Пол Сингх

Сондай-ақ, 2018 жылдың 3-9 ақпанында әлемге әйгілі аграрлық ғалым, ИНРА-ң экс вице-президенті Ги Риба (Франция) ҚАТУ- ң ғылыми және білім беру жүйесін реформалаудың жаңа көзқарасын қалыптастыру мақсатымен университетімізге сапармен келді.

ИНРА-ң экс вице-президенті Ги Риба (Франция)

Шетел ғалымдарын шақыру үшін қажетті құжаттар:

  • шақырылатын шетел маманының түйіндемесі;
  • паспорттың көшірмесі;
  • ғылыми дәрежені немесе шетел маманының атағын дәлелдейтін дипломдар және сертификаттардың көшірмелері;
  • сағат саны, кредиттер, пән мақсаты және тапсырмалары, дәрістер тақырыбы атаулары көрсетілген жұмыс бағдарламасы;
  • басылымдар тізімі.

Шетел ғалымдарын шақырудың негізгі талаптары:

  • ғалымдар QS рейтингі бойынша әлемнің 500 алдыңғы қатарлы университеттерінен болуы керек;  
  • болу мерзімі бойынша 14 күннен кем емес немесе 1 семестр немесе одан да ұзақ уақыт мерзіміне.