Мұражай

С.Сейфуллин атындағы Қазақ агротехникалық университетінің тарихи мұражайының экспозициясы

1978 жылы ашылған университет мұражайы 2 экспозалдан: (кіші және үлкен) тұрады. Кіші экспозалда келесідей стендтер мен мұрағаттар қойылған:
1.Ақмола ауылшаруашылығы институтын құру туралы жоғарғы атқарушы, өкілетті органдардың қаулылары, шешімдері, бұйрықтары, өкімдері жайғастырылған.
2. Ректорлар галереясы (Ректорлардың портреттері қызмет атқарған жылдарына сәйкес орналастырылған).

                         

3. С.Сейфуллиннің өмірі мен шығармашылығына арналған бұрыш,
2010 жылы мұражай экспозициясын қайта жаңарту барысында ұйымдастырылды.
4. Оқу орны ғимараттарының суреттері.
5 ЖОО - ның меншік түрінің өзгерістері туралы ҚР Үкіметі қаулыларының көшірмелері.
6 Оқу орны туралы баспадан шығарылған кітаптар, журналдар, буклеттер.
7. Университеттің Естелік кітабы.
8. Университеттің «Ғылыми жетістіктері» атты стенд.
9. «С.Сейфуллин атындағы ҚазАТУ- дің аумағы» атты стенд.
10. «Аралас жүйемен энергиямен қамтамасыз ететін энергия тиімділікті үй» (Әзірлеуші: «Электр жабдықтарын пайдалану» кафедрасы. Авторы – профессор А. Х.Тлеуов).
11. «ҚР облыстарының топырақ картасы» (Авторлары: Лала Тәңірбергенова Сәулет өнері факультетінің студенті, Ерлан Қлаубаев,Техникалық факультеттің 2014 ж. түлегі). Бұл еңбектерін студенттер Астана қаласында өтпек Халықаралық «ЭКСПО - 2017» көрмесіне тарту есебінде жасады.

                        

12. «Топырақты өңдеп, минералдық тыңайтқыштарды енгізетін құрал». Әзірлеуші: «Ауылшаруашылығы және астық өңдейтін машиналар» кафедрасы. Авторлары: профессор Адуов М.А., т.ғ.к. Қаспақов Е.Ж., т.ғ.к. Жазықбаева Ж.М.

Үлкен экспозал
1.С.Сейфуллин атындағы ҚазАТУ-дың символикаларынан басталады.

2. Залдың сол жақ бетіне оқу орнының даму белестерін баяндайтын 5 стенд орналастырылған.

Университеттің даму белестері:
1- белес, 1957 - 1981 жж.
2 - белес, 1982 - 1990 жж.
3 - белес. 1991 - 2000 жж.
4 - белес, 2001 - 2011 жж.
5- белес, 2012 ж. – бүгінгі таңда.

3. Әр белестің тарихына арналған стендтерде сол белеске қатысты қысқаша оқу орны тарихы, тарихи фотоматериалдар, тарихи құжаттар орналастырылған.
4. «Университеттің Даму Қоры» стенді, мұнда 2012 жылы университет ректоры, профессор А.Қ.Күрішбаевтің бастамасымен құрылған Даму Қорының Жарғысы, құрылтайшылары туралы анықтамалар, қордың Қамқорлық кеңесінің құрамы және басқа құжатттар да орналастырылған. Сонымен қатар, Қордың 1 – форумының өту барысы туралы фотоматериалдар мен құжаттар бар.
5. Университеттің 55 жылдық мерейтойына арнайы ұйымдастырылған стенд. (Онда шетел, ТМД елдері және республика ЖОО - дарының құттықтау хаттары мен символикалық бағалы сыйлықтары орналастырылған).
6. Залдың оң жақ қабырғасына орналастырылған 10 стендте оқу орны факультеттері мен әскери кафедрасының тарихы мен қазіргі кезеңіне байланысты материалдар, мұрағаттар орналастырылған.
7. Залдың ортасындағы 2 үлкен және 2 кішкене дүңгіршіктерде орналастырылған естелік заттар топтастырылған.
Бірінші үлкен дүңгіршекте - 1982 - 1983 оқу жылдары Целиноград ауылшаруашылығы институтында тұңғыш құрылған студенттік құрылыс және механикаландырылған отрядтарының құрылу тарихы, жасаған еңбектері туралы анықтамалар, Құрмет грамоталары, газеттерден материалдар, фотосуреттер, альбомдар т.б. материалдар орналастырылған.
8. Сол дүңгіршектің екінші жағында университет профессорының тұңғыш мантиясы қойылған. (Ол Мәскеу қаласында университеттің арнайы тапсырысымен 1994 жылы қайта тіктірілген).
Орталықта - сол қатарда Қазақстанда өсетін 13 түрлі дәнді – дақылдар-дан құрастырылған университеттің 55 жылдығы, Астана қаласының 13 жылдығы құрметіне Сәулет өнері факультетінің оқытушысы, талантты суретші Бақытжан Әріпов жасаған «Қазақтың киіз үйі» жобасы орналастырылған. Оны суретші Қазақстанда өсетін 13 түрлі дәнді - дақылдардың дәндерінен жасалып, желіммен біріктіріп жасаған. Аталмыш киіз үй жобасы 2014 жылы Қазақстан рекордтар кітабына (КИнЭС) енгізілді.

                  

Бірінші кіші дүңгіршекте университеттің Қоғамдық кәсіптер факультеті ансамбльдерінің халықаралық, республикалық және т.б. деңгейлердегі байқауларда жеңіп алған жүлделері қойылған.
Екінші үлкен дүңгіршекте оқу орнының «Аграрка сарбаздары» КТК командасы мүшелеріне арнайы тігілген алғашқы киімі ілулі тұр. Екінші жағында оқу орнының «Рауан » атты хореографиялық - би ансамблі мүшесінің алғашқы сахналық киімі, мұражайымызға ерекше сән беруде. Екінші кіші дүңгіршекте осы ансамбльдің халықаралық, республикалық байқауларда жеңіп алған жүлделері орналастырылған.
Университет тарихынын сыр шерткен мұражай білім ордамыздың тарихы шоғырланған орталық.