Университет тарихы

«Тың аймағында жаңа жоғарғы оқу орынның салынуы маңызы жағынан  ірі оқиға болды. Бұл осы өңірдегі  жоғарғы орындарының ата-анасы іспеттес еді. Жоғары оқу орны белсенді қызмет ететін ғылыми мектептер мен олардың шоғырланған орны ретінде қарастырылды. Ең басты бағыт тек ауыл шаруашылығы саласының мамандарын дайындайтын ЖОО емес, сонымен бірге бізге білікті ғалымдар да қажет болды.

                                                        М.А. Гендельман

С. Сейфуллин атындағы Қазақ агротехникалық университеті – Орталық және Солтүстік Қазақстанның ең ірі аграрлық ЖОО, Астана қаласының бірінші жоғары оқу орны.

Солтүстік Қазақстанның тың және тыңайған жерлерін игеру кезінде ауыл шаруашылығы саласында мамандар қажет болғандықтан осы оқу мекемесі ашылды. Солтүстік және орталық Қазақстан облыстарына ауыл шаруашылығы өндірісі үшін мамандарды кеңінен дайындау мақсатында КСРО Министрлер Кеңесінің 1987 жылғы 3 қазандағы Қаулысы және СССР Ауыл шаруашылығы министрлігінің 1957 жылғы  9 қазандағы бұйрығы бойынша Ақмола ауыл шаруашылығы институты келесі факультеттерімен құрылды: агрономиялық, ауыл шаруашылығын механикаландыру және жерге орналастыру.

                 

Первые учебные корпуса

Алғашқы оқу ғимараттары 1967 жыл

Первые учебные корпуса

Техникалық факультетінің жаңа оқу ғимараты 2015 жыл

Университет тарихы – бұл бір-бірін рет-ретімен алмастырған қалыптасу кезеңдері мен динамикалық дамудан тұрады. Алғашқыда үш факультеттен құрылған институт зерттеу университетіне айналып, тек солтүстік өңірдің ғана емес, сонымен қатар елдің ғылыми және оқу орталығы болып қалыптасты. 

Первые учебные корпуса

 

Первые учебные корпуса

 

1 кезең. 1957 - 1981 жж.
2 кезең. 1982 - 1990 жж.
3 кезең. 1991 - 2000 жж.
4 кезең. 2001 - 2011 жж.
5 кезең. 2012 ж. – осы уақытқа дейін.

2012 жылдан бастап Қазақ агротехникалық университетінің дамудағы негізгі басым қызметі - ғылым болды. Университеттің стратегиялық мақсаты: ауыл шаруашылығы саласындағы заманауи зерттеу университетіне кезең-кезеңімен көшу. 

2013 жылда 23 мамырында шетел инвесторларының Пленарлық  мәжілісінде Қазақстан Республикасы-ның Президенті Нұрсұлтан Әбішұлы Назарбаев  алғаш рет ҚАТУ қабырғасында  «Назарбаев Университеті» үлгісі бойынша ауыл шаруашылығы саласында халықаралық деңгейдегі зерттеу университетін қалыптастыруға ұсыныс берген еді.   Сол уақыттан бастап ҚАТУ-ды реформалау жұмыстары басталып кетті.

С.Сейфуллин атындағы ҚАТУ Қазақстан Республикасының 2015 - 2019 жылдарға арналған индустриальды-инновациялық даму мемлекеттік бағдарламасының жобалары үшін кадрларды дайындайтын елдегі 10 базалық ЖОО қатарына кіреді. Қазақ агротехникалық университетінің басым секторлары болып «Ауыл шаруашылығы машина жасау», «Тағам өнімдерін өндіру» анықталған.

Университеттің профессорлар құрамы

С.Сейфуллин атындағы ҚАТУ серіктесі Дэвис қаласындағы аграрлы саладағы әлемдік жетекші зерттеу университетінің бірі Калифорния университеті. Бүгінде олармен бірге жаңа білім беру бағдарламалары жасалуда, екі жақты тиісті мамандар даярлануда.       

Сонымен қатар біздің университет әлемнің белгілі жоғары оқу орындарымен қарым-қатынасын белсенді дамытуда. С.Сейфуллин атындағы Қазақ агротехникалық университеті – Ұлы Хартия университеттерінің толық құқылы мүшесі және бұл өз кезегінде оны біртұтас еуропалық білім беру кеңістігін қалыптастыруда негіз бола алады. Қазіргі уақытта біз 20-дан астам жоғарғы оқу орындары мен, ғылыми-зерттеу орталықтарымен тығыз серіктестік қатынасты орнаттық. Олардың ішінде АҚШ, Ұлыбритания, Қытай, Ресей, Беларуссия, Алмания, Малайазия, Италия, Израиль, Моңғолия сияқты мемлекеттері кіреді. Бұл мемлекеттерде 500-ден астам біздің оқытушылар мен студенттер ғылыми тағылымдамалардан өтіп білімдерін жетілдіруде.

QS World University Rankings® 2014/15 агенттілігінің әлемдік университеттер рейтингісінің нәтижесі бойынша ең үздік ЖОО 701+ тобына кіреді; Ұлы Хартия университеттерінің толық құқылы мүшесі және бұл өз кезегінде оны біртұтас еуропалық білім беру кеңістігін қалыптастыруда негіз бола алады.

Біздің оқу орнының ең ірі жетістігі «Ізденушілік және патенттік іске» енгізген үлесі үшін Еуразиялық патенттік ұйымның В.И. Блинников атындағы Алтын медалін иеленді. Бұл беделді марапатты республика бойынша біздің ғана университет иеленді.

А.Қ.Күрішбаев Республика Президенті  Н.Ә.Назарбаевпен кездесуде

Университет қабырғасында жұмыс сапарымен болған ҚР Премьер-Министрінің орынбасары Д.Н. Назарбаева

Білім беру бағдарламасының сапасына негізделген Ұлттық аккредитациялау және рейтинг агенттілігінің тәуелсіз рейтинг нәтижесі 2014 жылы мемлекет бойынша ҚАТУ-дың 30 білім беру бағдарламалары (жалпы санының 37%) ең үздік алғашқы үштікке енді. Олардың 12 бірінші орынды иеленді. Бұл өз кезегінде Қазақ агротехникалық университетін ұлттық жоғарғы оқу орындары қатарында 5-ші орынға шығарып, университет тарихында болмаған үздік нәтижеге қол жеттік.   

Первый механизированный строительный отряд "Сигма"

Алғашқы механикаландырылған СИГМА құрылыс отряды

Университеттегі заманауи техника

Бүгінде ҚАТУ – өзі профессорлы-оқытушылық құрамның арқасында жасалған негізі бар өзінің ғылыми мектептері қалыптасқан көп бейінді университет. 

Алғашқы оқу ғимараттары 1967 жыл

Техникалық факультетінің жаңа оқу ғимараты 2015 жыл

Қазіргі уақытта университетте 44 кафедра жұмыс істейді. Сегіз факультетте он мыңнан астам студент бакалавриаттың 37 мамандығы, магистратура 31 мамандық және PhD докторантура  9 мамандық бойынша оқытылады.  

Білім беру үдерісі 889 оқытушылармен жүргізілсе, олардың ішінде 83 ғылым докторы және 376 ғылым кандидаттары мен 18 РhD докторды құрайды. Профессорлы-оқытушылық құрамның ғылыми дәрежелілігі 53% құрайды.

Жарты ғасырдан астам уақытта елдің түрлі саладағы агроөндірістік кешені үшін 60 мыңнан астам біліктілігі жоғары мамандар даярланды. Олар өздерінің орасан еңбектерімен мемлекет экономикасының дамуына беделді үлес қосып және өз қызметтерін жалғастыруда. Университет өз түлектерімен мадақтанады, олардың ішінде Президент Әкімшілігі және Премьер-Министр кеңсесінің қызметкерлері, ҚР Сенат және Мәжіліс Парламенттерінің депутаттары, елшілер, көрнекті ғалымдар, ғылым докторлары мен кандидаттары, облыс, қала және аудан Әкімдері, ірі кәсіпорындар мен аграрлфқ кешендердің басшылары мен әртүрлі халық шаруашылығының мамандары бар.    

Әр кезеңдегі университет басшылары

Директоры: 

Т.Г. Духов (ақпан 1958 – мамыр 1961ж.) – техника ғылымдарының кандидаты, доцент

Ректорлар:
М.А. Гендельман (мамыр 1961 ж.- қараша 1982 ж.) – экономика ғылымдарының докторы, профессор

К.А. Сағадиев (желтоқсан 1982 ж.– қараша 1990 ж.) – экономика ғылымдарының докторы, профессор

Я.Я. Мауль (ақпан 1991 ж. – қазан 1993 ж.) – экономика ғылымдарының докторы, профессор

Б.О. Әлімжанов (қазан 1993 ж. – қазан 2004 ж.) – ауылшаруашылығы ғылымдарының докторы, профессор

А.К. Булашев (қараша 2004 ж. – қараша 2011 ж.) – ветеринария ғылымдарының докторы, профессор

А.К. Күрішбаев (2011 жылғы қарашадан бастап) – ауылшаруашылығы ғылымдарының докторы, профессор, Ресей ауылшаруашылығы ғылымдары академиясының академигі


Әр түрлі жылдардағы университет атауы

1957 ж.- Ақмола ауылшаруашылығы институты негізін қалады.

(КСРО Министрлер Кеңесінің №1176 Қаулысы 3.10.1957 ж.);

 1961 ж. - институт қаланың жаңа атауына өзгеруіне байланысты Целиноград ауылшаруашылығы институты болып атауы өзгертілді. (КСРО Министрлер Кеңесінің Қаулысы ... 15.05.1961 ж.);

1996 ж.- институт Ақмола аграрлық университеті болып қайта құрылып, оған Сәкен Сейфуллин аты берілді. (ҚР Үкіметінің №573 Қаулысы 7.05.1996 ж.);

2001 ж.- университетке С.Сейфуллин атындағы Қазақ аграрлық университеті мәртебесі берілді (ҚР Үкіметінің №821 Қаулысы 15.06.2001 ж.);

2004 ж.- ҚР Үкіметінің Қаулысы (№829 3.08.2004ж.) негізінде «С.Сейфуллин атындағы Қазақ агротехникалық университеті» Республикалық мемлекеттік мекемесі құрылды;

2007 ж.- университет «С.Сейфуллин атындағы Қазақ агротехникалық университеті» Акционерлік қоғамы ретінде қайта құрылды. (ҚР Үкіметінің №409 Қаулысы 22.05. 2007 ж.).

Университет түлектері 1987 жыл

2015 жыл

    

                      

Студенттердің әскери дайындығы 1985 жыл

2015 жыл

 Факультеттер құрылған жылдары
Агрономиялық факультет - 1957 ж.
Жерге орналастыру факультеті - 1957 ж.
Техникалық факультет  - 1957 ж.
Сырттай оқыту факультеті - 1959 ж.
Экономикалық факультет - 1960 ж.
Ветеринария және мал шаруашылығы факультеті  – 1964 ж.
Архитектуралық факультет - 1965 ж.
Энергетикалық факультет - 1965 ж.
Әскери кафедра – 1965 ж.
Компьютерлік жүйелер және кәсіптік оқыту факультеті - 1985 ж.

Конференц зал 1991 жыл

М.А.Гендельман атындағы конференц зал 2015 жыл

             

Университет айналасын көгалдандыру 1985 жыл

2015 жыл