Қош келіпсіздер!

Құрметті сайт қонақтары!

С.Сейфуллин атындағы Қазақ агротехникалық университеті солтүстік және орталық Қазақстандағы ең ірі аграрлық және техникалық жоғары оқу орындарының бірі болып саналады.

Бүгінгі таңда біздің университетіміз әлемдегі озық 800 жетекші оқу орындары мен отандық жоғары білім беру саласы көшбасшыларының қатарында.

Қазақстан Республикасы Президентінің тапсырмасына орай біз халықаралық деңгейдегі аграрлық зерттеу университетін құруға дайындық жұмыстарын жүргізудеміз. Әріптестеріміз қатарында әлемге танымал жетекші зерттеу университеттері мен ғылыми орталықтар бар.

Ғалымдарымыз өткізіп жүрген зерттеу жұмыстары тәлімгерлерімізге заманауи ең озық білім алуға мүмкіндік береді.

Егер Сіз сұранымға ие, тұрақты табыс көзі болатын мамандық иегері атанғыңыз келсе – біздің есігіміз ашық! Өз тарихыңызды бізбен бірге жазыңыз – біздің 60 000-ға жуық түлектерден тұратын отбасымызға қосылыңыз, олардың қатарында Парламент депутаттары, жетекші кәсіпорындардың басшылары мен Қазақстан Республикасына танымал қоғам қайраткерлері бар.

А.Күрішбаев,
ауыл шаруашылығы ғылымдарының докторы, профессор
«С.Сейфуллин атындағы Қазақ агротехникалық университеті» АҚ Басқарма Төрағасы